19/3/2011

النهاردة زي أي حد نزلت أدي صوتي

مش هعيد المواقف اللي كلنا شوفناها من انتظام و أدب و و و و

و لكن هاحكي موقف.

واقفة قدامي واحدة شايلة بابي و قدامها واحدة منقبة و عمّاليـــن يهزروا طول الطابور

علي قل آخر الطبور كده المنقبة سألت الأم دي علي اسم البنت طلعت "لورين" و اكتشفت ساعتها ان الست مسيحية, و ده منظر أول مرة أشوفوا دول كانوا مقضينها هزار طووووول الطابور و هما ميعرفوش بعض قبل كده!

تاني صدمة, سمعت المنقبة بتذم في الإخوان المسلمين!!!!

أنا النهاردة اتعلمت حاجتين

1-المصريين رجعوا تاني مصريين مش مسلم و مسيحي

2-مش كل منقبة أو ملتحي لازم يكون إخوان مسلمين  :D

ربنا يكرم مصر و يكتبلها كل خير

و أحب أقول ان صباعي بقي بمبي :D

أمــل

من ربي واثقة

في يوم هيعطيني فرحة

من حلاوتها تنزلي دمعة

و انزل علي أرضه ساجدة

لفيض كرمه شاكرة

و لغيره ما أكون مشاركة

فرحتي اللي ليا وهبها

ومش هكون بغيره مؤمنة

ان الخير في ايده

و الدعوة له مُتقَبلة

أصله مبيردش دعاء   =')  

sadness

too many thing pushing me into sadness

I have nothing my hand except saying

يــــــا رب

=')

Harmful thoughts

In need to write

Full of incoherent thoughts

Ache my mind

Generating clamor

I really wish to kick them out

Because all I hear is roar

إعادة نظر

في الأول كنت واثقة
إن دعائي هيستجاب
ماهو ربي مبيردش دعاء
و مع الوقت اتقفلت البيبان
و برضه قلت مهما كان
أنا واثقة مبيردش دعاء
لحد ما كله ضلِم
و خلاص مش شايفه مخرج
ساعتها بس أدركت حاجة
إني عبد, و مش شايفة كل حاجة!
في طريق عني مستخبي
بس هوصله بأمر ربي
و هتكون نتيجته أحلي من كل البيبان
و وثقت إن الدعوة هتستجاب
بس مش لازم من بِضع البيبان
اللي عينايا كعبدة مش شايفة غيرهم

Having faith

Things for them are allowed

But for me they are barred

Everyone is enjoying

While um just watching

All what I have is waiting

Till the time of getting

what they are wishing

عتاولة مصر

يعني ايه عتاولة؟ أنا شخصيا معرفش :D بس أنا أعرف صفاتهم

عتاولة مصر هم مجموهة من الناس اللي بتتسحل 5 سنين نزول 7 ايام في الإسبوع و قعاد 300 واحد في المدرج و يمكن علي سنة الإفراج يبقوا 100 بس.

عتاولة مصر هم مجموهة من الناس اللي بترضي بقليلها فهمت ما فهمتش أهي بتذاكر و تمتحن و النتيجة اللي تطلع يقولوا خير و بركة

عتاولة مصر هم محموعة ناس بتقعد في المحاضرة يتعرض عليها جداول كبيــــــــــــــرة مكونة من zeros و ones و يتقال لهم ملاحظين ايه يا عتاولة؟! و ما يردوش أصلهم مش فاهمين ايه ده اصلا.

و عتاولة مصر هم نفس الناس بتوع الجدول و يا عيني يكتشفوا ليلة الإمتحان إن هما اللي بيكونوا الجدول ده!!!!!!!!!!

عتاولة مصر مدرسوش ولا programming language  غير ال Cو المفروض انهم مهندسين كمبيوتر!! يقضوها self learning  بقي.

عتاولة مصر هم مجموعة من الناس مكتوب عليهم حبس اسبوعي (معمل) من 12 ل 3:30 حتي لو خلصوا التجربة  الساعة 2 فبيفضلوا قاعدين برضه لحد باقي المدة, تقريبا المسئول عن المعمل واخده تأجير فبيحلل فوس الإيجار بقعادنا!!

عتاولة مصر دول و الله مش سلبيين بس هما مجبورين و لا حياة لمن تنادي مهما اتكلموا ما بيتسمعموش.

أنا واحدة من عتاولة مصر و غاليا لو رئيس القسم شاف الكلام ده هفضل عتولة من عتاولة مصر طول عمري (مش هاتخرج يعني:D  ) بس اعذرني هذا رأيي و من حقي التعبير عنه :D