لحظة مواجهة 5

1. لما اتنين بيكلموك في نفس الوقت بتكون مركز مع الأثنين ولا مع واحد بس؟
2. طب لمت تبقي بتتفرج علي فيلم وحد يجي يكلمكمش بتقوم عامل للفيلم pause?
3. لما بيبقي عندك ميعاد مع مدير شركتك أو دكتور مشروعك او اي حد مهم ممكن تسيبه وتسرح؟
4. مش بتقعد تحاول تفهك كل كلمة بيقولها عشان تبيّن له انك متفوق؟ ويمكن يكون بيلمحلك بكافلة او ترقية؟؟
5. بتجهز بقي لليمعاد ده قبلها بقد ايه؟ وبتبقي محضر كلامك ومفضي ذهنك كده صح؟
6. صلاتك بقي الدنيا بتشغل كام في المئة منها؟ (بأمانة)
7. ولو بتاخد نسبة كبيرة هل بتاخدها بسهولة؟ ولا بتبقي بتجاهد نفسك وبتبذل مجهود عشان تركز في وقت ملك الملوك اللي مخصصه لك بيوميا ؟


اترك لك الإجابة والقرار ولكن للتذكرة
قَدْ أَفْلَحَ الْمُؤْمِنُونَ ﴿1﴾ الَّذِينَ هُمْ فِي صَلَاتِهِمْ خَاشِعُونَ﴿2﴾ 
(سورة المؤمنون)

لحظة مواجهة 4

1. كام مرة بقيت بتتمني امتي الجنة تيجي بقي؟
2. كام مرة قعدت تتكلم مع ربنا كده في كل حاجة في حياتك واللي جواك؟
3. طب بتعمل كده امتي؟ لما بتكوت متضايق بس وفي وقت ابتلاء؟ ولا متعود علي كده في العسر و اليسر؟
4. طب لما بتدعيه بتدعيه بالعربية والزواج وتيسير الحال بس؟ ولا كمان بتدعيه يقربك منه؟
5. من الآخر كده بتفتكر ربنا امتي؟؟ في العسر فقط ولا في العسر واليسر؟


اترك لك الإجابة والقرار ولكن للتذكرة


" وَإِذَا مَسَّ الْإِنْسَانَ ضُرٌّ دَعَا رَبَّهُ مُنِيبًا إِلَيْهِ ثُمَّ إِذَا خَوَّلَهُ نِعْمَةً مِنْهُ نَسِيَ مَا كَانَ يَدْعُو إِلَيْهِ مِنْ قَبْلُ وَجَعَلَ لِلَّهِ أَنْدَادًا لِيُضِلَّ عَنْ سَبِيلِهِ" (الزمر 8 )

أُحادثُها

أُحادثُها همساً كي لا نُسمَعُ أقُل لها متي ترضخى

فترد ثائرةً بل خُلقتُ هادفةً لكي في لا تتحكمى

فأُبادرها بصرخة لكن أنتِ من سأمتطى

فأنتِ سٌلَّمى بل أنتِ جسرى الوحيد لجنة الخلدِ

فإن لم تترفعى وبالروحانيات تتشبثى

فكلانا في النار سنُحرَقُ وأنتِ أول من يندمُ

فلكلامى اسمعي واتبعي ما أُمرنا به به ولا تتكبرى

فلن أصبح لنفسي وهوايا تابعِ ولكن لله وحده عابدِ 

لحظة مواجهة 3

1. آخر مرة جيت علي نفسك عشان أهلك كان أمتي؟
2. طب كانت المساعدة دي بطيب خاطر وابتسامة ولا بضيق خُلق وعصبية؟
3. طب انت عارف والدتك صحيت بليل كام مرة بسببك وأنت طفل؟ومكنش قدامها اتخيار تقولك لأ !
4. طب انت عارف هي مانامتش كام ليلة برضه بسببك؟
5. عارف كام مرة والدك ووالدتك جريوا بيك علي دكتور في نص الليل؟
6. طب عارف انت كام مرة كنت سبب انهم يقعدوا في البيت مايتفسحوش؟بسبب انك عيان أو وراك مذاكرة أو امتحان!
7. عارف والدك اشتغل كام ساعة عشان يجبلك اكلك وشربك ولبسك وخروجك ولعبك من يوم ما اتولدت؟
8. عارف كام ساعة مامتك قضتها في المطبخ عشان تعملك فطار, غداء, عشاء عشانك من يوم ما اتولدت؟
9. عارف ان مهما كان حالكم ميسور دلوقتي فأكيد زمان همّ حرموا نفسهم من حاجة عشان يجيبولك انت حاجة؟
10. عارف انك كنت بتمص الكالسيوم من عظام والدتك وانت في رحمها؟
11. عارف الهم اللي بيشيلوا والدك مع كل مرحلة جديدة بتدخلها هايغطي مصاريفك واحتياجاتك ازاي؟
12. عارف هما في كل حاجة بتعملها قلقانين انت هاتكون الولد الصالح اللي سيدعو لهم يوما ما ولا... ؟


اترك لك الجواب والقرار ولكن للتذكرة
"وَبِالْوَالِدَيْنِ إِحْسَانًا "

قالك دولة مسلمة!

 دولة مسلمة بس كل أفلامنا وأغانينا عُري!

دولة مسلمة بس أي مول تدخله لازم تكون صورة الموديل اللي متعلقة لابسة لبس منحرف وفي وضع اكثر انحرافا!

دولة مسلمة وتلاقي محلات الملابس الداخلية عارضة منتجاتها في صور في الفاترينا متناسيين إن قبل ما تكون جسد المرأة عورة علي الرجل فعورة المرأة علي المرأة من السُرة الي الركبة!

دولة مسلمة بس الراقصات بيكسبوا فيها اكتر من اي حد!

دولة مسلمة بس ان راقصة ترقص علي اغنية بتقول "الحسن والحسين" عادي!

دولة مسلمة بس بنرشي وبنرتشى عادي!

دولة مسلمة بس المحجبة مبتلاقيش لبس "شيك" يناسبها في 90% من المحلات

مابقولش نحجر علي حرية حد بس افتكر ان "انت حر مالم تضر" وانت بتضر ناس كتير!

مصر دولة مسلمة اسماً ولا أجد ديناً أُنسب له أفعالها

لحظة مواجهة 2

1. النفس المؤمنة لا تعرف الاكتئاب
2. أمر المؤمن كله خير
3. " وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا"


آيات وأحاديث ومقولات تخليك تتكسف من نفسك , عاوز ايه اكتر من ان ربنا معاك كل كسر من الثانية من قبل ما تنفخ فيك الروح في رحم امك الي ان تقابله؟
شعور بالأمان!
لو نفسنا مؤمنة بجد مكناش شلنا هم حاجة ولا قلقنا علي حاجة كنا هانخطط وناخد بالأسباب ومانستناش النتيجة اصلها رزق من عند الله سبحانه وتعالي , اشهر جملة بنقولها "عملنا اللي علينا والباقي علي ربنا" لكن بنقولها بالسان بس! مش مؤمنين بيها من قلبنا!
لو مؤمنين بجد وعارفين إن ربنا مابيضيعش مجهود حد ماكناش اتضايقنا لما النتيجة مجتش زي ماكنا عايزين , يمكن ماجتش زي ماحنا عايزينها تيجي في الدنيا بس اللي لازم نؤمن بيه ان اكيد هاتيجي فالآخرة زي ماحنا عايزينها واكتر بكتيـــــر , اكتر حتي ما تخيلنا يقدر يجيب أصل اللي بيرزقك وانت عاصيه ويبعتلك رسايل لردك اليه طول ما انت بعيد عنه ومعرض عنه اكيــــد مش هايظلمك , الرحمة دي مايجيش من وراها غير العدل وانك تاخد ثواب كل ماتعبت من اجله في الدنيا ولم تري نتيجته او جاءت اقل مما تستحق.

لحظات مواجهة "لحظة مواجهة 1"

لحظات مواجهة هاتكون سلسلة من الأسئلة اللي تواجه بيها نفسك من وقت إلي الأخر عشان نشوف نفسنا ماشين صح ولا محتاجين نصلح حاجات فينا , عشان نكون اقرب  الي الله واسعد في الدنيا وفي أخر اللحظة القرار والحل ليك لوحدك فكر وقرر هاتصلح ده ازاي؟ .... ولنبدأ بأول لحظة
         -----------------------------------
1. حافظ كام اغنية؟
2.  كام أغنية تعرف تميزها من أول 3 ثواني فيها؟
3. طب محتاج كام كلمة عشان تتعرف علي أغنية؟
4. كام أغنية عارف قصتها ايه (video clip) ؟
5. كام أغنية فاهم هي عايزة ايه؟


تعرف تستبدل كل كلمة "أغنية" في الأسئلة السابقة ب"سورة من القرءان" وتجاوب عليهم تاني؟
قارن إجاباتك وسأترك لك القرار ولكن اذكرك
"وَقَالَ الرَّسُولُ يَا رَبِّ إِنَّ قَوْمِي اتَّخَذُوا هَٰذَا الْقُرْآنَ مَهْجُورًا" (الفرقان 30)