نانسي في محاولة إصلاح الأمةّ!!

نانسي في محاولة إصلاح الأمةّ!! اسم غريب شوية؟:D  احتمال عشان نانسي و أمة مش ماشيين مع بعض! بس أفعالها أغرب :D

مرة نانسى كانت قاعدة فى أمان الله على وجه الكتاب "الحاجة نانسى ستايل" واذا من الملل تراقب افعال اصدقاءها من كومنتات ولايكات الى ان وقع بصرها

على صورة كانت واحدة من صاحبتها عاملة كومنت عليها ..البنت كانت حلوة جدا ما شاء الله و محجبة كمان ربنا يبارك, يعنى هو بس كان فيه حاجات كده يعنى وقعت منها من قصة نازلة و رقبة باينة !!!! يعنى هو الأساس موجود اللهم لا اعتراض لكن محتاج تعديلات طفيفة .. وبما ان الست نانسى من حزب اعمل خير و أرميه البحر قررت انها تتكلم مع البنت .. وعلى الرغم ان نانسى متعرفش البنت ولا عمرها شافتها ولا بينهم اى اصحاب مشتركين لكن مكانش ينفع تكون من أمة النبى الحبيب الكريم اللى قالنا اننا نغير الغلط و لو حتى بالكلمة. أتوكلت على الله و كتبتلها رسالة رقيقة قالتلها اد ايه هى جميلة و اد ايه النبى أكيد فرحان انها من

أمته و انها سمعت كلام ربنا و اتحجبت .. لكن هيكون مبسوط و فرحان أكتر لو شافها بتحب حجابها و تخليه أجمل و أكثر أحتشام و شرعية..

  مكانتش مستنية رد ولا كان قصدها تضايق البنت أو تغلطها لكن عملا بمبدأ الدين النصيحة ..بعد ما عملت عملتها دي فضلت قاعدة كدهّ!! و بعدين :S أفرض شتمتني أو قالتلي و انت ايش دخلك يا حِشرية أو أنا حرة !! بس راجعت نفسها و قالت" يا بت يا نانسيييي ماتندميش علي خير عملتيه أهو حتي لو شتمتك هتبقي حُجة عليها يوم القيامة أن ربنا بعتلها حد يهديها و هي اللي رفضت".

بعد كاام يوم كده البنت ردت!!! نانسي: " يالهووي يالهويي استعدي يا نانسي للتهزئ والتريقة انتى اللى جبتيه لنفسك كان لازم تفتحى بُقك يعنى "

فتحت ال message و هي حاطة ايدها علي قلبها! والمفاجأة كانت ان البنت ردت و قالتلها جزاكي الله كل خير! انا كنت فكراها مجرد صورة و مش غلط زي ما انتِ فهمتيني كده ربنا يكرمك!!! لأ و كمان غيرت ال profile picture  بتاعتها لصورة محتشمة جدا! ما شاء الله, ده انا صوتي ممكن يعمل فرق!!!

وفعلا من ساعتها نانسى اكتشفت هواية جديدة ..

تقعد تدور علي ال facebook علي كل بنت مش واخدة بالها زي البنت الأولي دي أيوة بنية انها مش واخدة بالها و ان الواحد يحاول يصلح بلسانه و لو حتي اترد عليها وحش أهو تبقي خدت الثواب بس المهم تكون وصلت رسالتها  بأدب و باحترام زي ما ربنا أمرنا

 "و زى ما قال رسولنا الكريم (ص) ءمن رأى منكم منكرا فليغيره بيده فإن لم يستطع فبلسانه فإن لم يستطع فبقلبه "

و كمان ربنا قال :

""كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنْ الْمُنكَرِ وَتُؤْمِنُونَ بِاللَّهِ "(110-114 -آل عمران (

    

نانسي دي شخصية حقيقية و ولا متشددة ولا أي حاجة دي يا دوبك بتصلي و تصوم عادي زي و زيك و بتعمل كده بجد نفسها تشوف أمتها أحسن أمة .. نفسها تبقى فخورة بكل مسلمة محجبة و بتراعى ربنا.. عايزة تشوف اسلام صح وحجاب صح و اخلاق صح .. عايزة تعمل فرق عشان لما تقابل الله سبحانه وتعالى و رسوله و يسألوها عملتى ايه لدينك تقولوهم اهوا حاولت .. وان شاء الله لها الثواب..

خليك ايجابي زيها متسكتش علي الحق عشان ماتتحاسبش علي سكوتك ده.

انتظروا باقي محاولاتها لإصلاح الأمة =)