Excel sheet!

دار حوار بيني و بين صديقتي كده عن ساعة الحساب وعن ما سنجده في في صحيفتنا!
قلتلها عارفة أنا عقلي " البني آدميني " بيصورهالي Excel sheet!   أه و الله هي كده إكسل شييت بس كبيرة حبتين تخيل معايا بقي كده فيها ايه:
فيها x/y/z التاريخ باليوم و الشهر و السنة الوقت : u:k:l الوقت بالساعة و الدقيقة و الثانية فلان ابن فلان نظر لمفاتن فتاة !
الثانية اللي بعداها : تجاهل نداء أمه له
الثالثة, الرابعة, الخامسة ............... اليوم اللي بعده الثانية الأولي, الثانية , ........
ولا هتكون! اليوم x/y/z التوقيت u:k:l فلان ابن فلان ساعد سيدة فقيرة
الثانية اللي بعدها: أشاح بنظره عن مفاتن فتاة مارة بجانبه
و الي آخره أعمال صالحة!
دي ال sheet  بتعتك أنت,  تملاها "بما شئت" بمعني الكلمة! عايز تحط ذنوب حط, عايز حسنات حط! عايز من ده علي ده يرضه حط! ربنا مديهالك فاضية و قالك تصرف كما شئت!
قال الله تعالي "وَوُضِعَ الْكِتَابُ فَتَرَى الْمُجْرِمِينَ مُشْفِقِينَ مِمَّا فِيهِ وَيَقُولُونَ يَا وَيْلَتَنَا مَالِ هَٰذَا الْكِتَابِ لَا يُغَادِرُ صَغِيرَةً وَلَا كَبِيرَةً إِلَّا أَحْصَاهَا ۚ وَوَجَدُوا مَا عَمِلُوا حَاضِرًا ۗ وَلَا يَظْلِمُ رَبُّكَ أَحَدًا "  الكهف(49).
و ربنا مبيظلمش حد حتي الي هيملاها من ده علي ده قال فيهم الله تعالي
"وَآخَرُونَ اعْتَرَفُوا بِذُنُوبِهِمْ خَلَطُوا عَمَلًا صَالِحًا وَآخَرَ سَيِّئًا عَسَى اللَّهُ أَنْ يَتُوبَ عَلَيْهِمْ ۚ إِنَّ اللَّهَ غَفُورٌ رَحِيمٌ  " التوبة (102) , اعترفوا بذنوبكم و توبوا عسي الله ان يتوب عليكم =)
و اللي ملاها ذنوب لا تيأس
"` قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ" 
و
"وَأَقِمِ الصَّلَاةَ طَرَفَيِ النَّهَارِ وَزُلَفًا مِنَ اللَّيْلِ ۚ إِنَّ الْحَسَنَاتِ يُذْهِبْنَ السَّيِّئَاتِ ۚذَٰلِكَ ذِكْرَىٰ لِلذَّاكِرِينَ " هود (114)  =)
فهي "صحيفتك املأها بما شئت " و صدقني ! محدش يقدر يملاها غيرك ولا يجبرك تملاها بغير اللي انت عايزه, فمتخدعش نفسك و تقول اصله اضطرني, أصله عصبني, أصل أصل , ما فيش أصل دي صحيفتك أنت ما تديش الفرصة لحد يملاها غيرك =)
و تخيل دائما في كل ثانية و عمل بتعمله لو أن ده آخر حاجة مكتوبة في صحيفتك هيكون موقفك ايه وقت البعث!


اللهم أحسن خاتماتنا و اجعل خير اعمالنا خواتيمها  =)