This represents my life tree; its leaves are my beliefs which i live by and believe in.

As large as your tree is as useful as you are

ورأيت من باع الأصالة يرتدي .. ثوباً غريباً مشمئزاً مائلاً سأظل وحدي طول عمري ثابتاً .. لا أرتضي للمكرمات بدائلاً

Friday, June 3, 2011

كلمة الحق

كل واحد فينا اكيد جرب يقول مرة حاجة عشان شايف  انها الحق و اخد علي دماغه, اكيد يعني جربت مرة و يا بطلت تقولها يا أصررت انك تقولها
امبارح كنت بتكلم مع شخص في الموضوع ده و تناقشنا فيه كتير امتي نقول و امتي منقولش, لحد امتي نحارب عشان الحق و المفروض امتي نوقف, و ازاي تُقال كلمة الحق, و ثمن قول الحق و انت شايفة من انه وجهة نظر.بعد ما خلصنا كلامنا قعدت أفكر قبل ما انام كده في اجابات الأسئلة دي بحثت عن مواقف يكون حد شجعني اني اقول كلمة الحق او اثني عليا عشان قلت كلمة الحق لقيت موقف واحد بس!!! و كان من 4 سنين!! قبلها و بعدها كنت دائما باخد علي دماغي.قعدت أفكر كثيـــر أوي في إيه ممكن يثبتني علي كلمة الحق و وجدت 3 أسباب:
  1. تأكد ان كل كلمة حق قلتها و أخدت علي دماغك عشان قلتها ان الله هيرد لك قولك للحق ده من كرمه اضعاف مضاعفة و ان رسول الله هيجي يقول لك جزاك الله كل خير و يا بختك عايز اكتر من كده ايه لما الرسول يقولك كده =)
  2. ان ثمن كلمة الحق بيتغير علي حسب انت باصص عليه منين, يعني انا بقول عشان اعجب الناس؟ فابص علي رد فعل الناس.لو بتقوله عشان الله يبقي استني رد الله عليك ولا تعبأ بالناس تماما طالما متأكد انه حق
  3. كل ثانية و انت بتاخد  فيها علي دماغك عشان قلت كلمة حق تخيل رسول الله بيطبطب علي كتفك و بيقولك انه فخور بك و ان الله معك =')

فا أوعي تبطل تقول كلمة الحق بس قبل ما تقولها و تتمسك بيها أوي دائما تأكد انها "حق" اتعب في البحث عن الحق في الموضوع و اسمع كذا رأي و استفتي قلبك    =)
 

2 comments:

  1. رائعة قوي .. كلمة حق في حقك

    ReplyDelete
  2. ربنا يكرمك و يعزك جزاكي الله كل خير =)

    ReplyDelete