"لكل فعل رد فعل مساوٍ له في القوة و مضاد له في الاتجاه"
والدي كان دائما و إنا صغيرة بيعلمني القانون ده بس عمري ما كنت بفهمه أوي لحد ما درسته في المدرسة, و لكني من مواقف حياتي اكتشفت انه ممكن يطبق في كل التعاملات.
لو كل واحد متعصّب اللي قدامه تعصّب عليه و لو كل واحد سرق الشخص اللي اتسرق سرق؟ لو كل واحد كدب اتكدب عليه؟!!
مين اللي هيوقف ردود الإفعال دي؟
خليك زي الأرض لما بنرمي عليها الكرة بترتد مسافة عليــــا أوي و بتنزل بس تاني مرة بترتد بتكون قوتها أقل فالمسافة بتقل في كل مرة اكتر لحد ما تقع علي الأرض.
لما حد يتعصب عليك تذكر قول الله تعالي"و الكاظمين الغيظ" و اكظم غيظك و تمالك أعصابك و افتكر انك لو رديت عليه هيرد عليك عشان لكل فعل رد فعل مساوٍ له في القوة و للأسف مضاد له في الاتجاه, فالحمد الله تعالي الذي أمرنا بكظم غيظنا
No comments:
Post a Comment