This represents my life tree; its leaves are my beliefs which i live by and believe in.

As large as your tree is as useful as you are

ورأيت من باع الأصالة يرتدي .. ثوباً غريباً مشمئزاً مائلاً سأظل وحدي طول عمري ثابتاً .. لا أرتضي للمكرمات بدائلاً

Sunday, May 22, 2011

عزيزي قائد المركبة

عزيزي قائد المركبة اليك بعض التنبيهات من سائقة كرهت الشوارع بسببك:
  1. في لمبات صغيرة كده علي جانبين السيارة, أقسم بالله العظيم انهم لا زينة و لا اشارة مني ليك ان أول ما أنورهم تزنق عليا
  2. عزيزي قائد المركبة, أبووس أيدك نفس اللمبات اللي في رقم 1 دي بستخدمها لما تحاول تدخل يمين و انت جاي من أقصي الشمال
  3. عزيزي قائد المركبة, في خير اللهم اجعله خير مرايات كده في الجنب دي مش للمدام عشا تتزوق و الله و لا زيادة و اللي بيصمموا العربيات مبيفهموش فا تقوم قافلهم!!! دول عشان حضرتك تبص فيهم يمكن يكون في حد غلبان زيي هايعدي من جنبك و تقوم انت كاسر قدامه بالعرض
  4. عزيزي لو عايز تزحف ازحف علي اليمين عشان و الله الشمال ده بتاع الجريّ
  5. عزيزي لما اللي وراك يزمرلك يبقي أكيــــــــد في حاجة مش مظبوطة انت بعملها أصل هو مش موصوفله يعزفلك موسيقي حسب الله!!! (النقطة دي يستثني منها الميكروباص عشان هو موصوفله فعلا :D )
  6. عزيزي قائد المركبة و ربنا محبكتش تشتري جرايد من البيّاع اللي علي الشمال عشان كما ذكرنا في نقطة 4 ان الشمال ده بتاع السريـــع يعني في يوم من الأيام ان شاء الله واحد هيجي يلبس فيك من ورا و هيخلي عربيتك من غير شنطة
  7. عزيزي لو تايه و حبيت تطبق مبدأ اللي يسأل مايتوهش يا ريت تطبقه علي علي جنب مش لازم توقف الشارع كله وراك و انت بتسأل سواق التاكسي اللذوذ الي جنبك
  8. أما الأعزاء اللي مركبتهم المقطورة الكبيييرة دى.. بالنسبة لان الكلاكس بتاعكم لايطاق.. و  تيجى وااقف جنب واحد سايق عربية صغيرة وتبدأ فى عزف صولو و كأنك عمر خيرت فى زمانه.. أرجوكم مسابقة Lorry's got talent دى بلاااش منها
  9. و أخيرا لو سمحت و تكرّمت أرجول ما ترميش عربيتك في أي حته في الشارع كده عشان بتعمل زحمة, أصلها مش مطب في الشارع

9 comments:

  1. LOOOOOOOOOOOOOOOOOOOOOOOOL :D:D:D to7faaaaaaaaaaaaaaaaa
    3yzeen wa7da l a3za2na ely by3adoo el shware3 :D :D

    ReplyDelete
  2. :D :D
    agree with you, specially 6 & 7 ..

    Nice Blog btw :)

    ReplyDelete
  3. LOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOL :D :D :D EZAY GAMDA KDAAAAAAAAAAAAAAA? :D :D :D

    ReplyDelete
  4. thanks all =) شر البلية ما يضحك :D el mawkosoon fl 2ard :D

    ReplyDelete
  5. loool :D :D

    ممكن تضيفى برده : عزيزى لو قدامك واحد بيتعلم مش لازم كلاكسات للصبح يعنى و شتايم , ما انت متولدتش سواق يعنى ! :D

    ReplyDelete
  6. Loooooooooooooooooooooooooooool :D:D:D
    t7ffaaaaa bgaaaad :D:D:D

    I like I comment I share :D:D:D

    ReplyDelete
  7. @amir: i do this :D because almost all the time they learn to drive 3l shemal :@ :@
    @salma: thaaaanks :D i like i love i adore :D

    ReplyDelete