أنام ولا أقوم؟؟

في ناس تقعد معاهم و تهيّس أوي و في ناس من قاعدة واحدة يصلحولك حاجة فيك لآخر عمرك.
كلنا عارفين ان اصعب صلاتين علي الواحد هما العشاء و الفجر
الواحد بيرجع تعبان مهدود يترمي علي السرير بس و الشطيان يعرف يضعف عزيمته و ميقومٌش فعلا.أو الفجر نايم متأخر سواء في ذنب أو في عمل صالح و وراك شغل او كليه او مدرسة الصبح فا متعرفش طبعا تصحي في وسط النوم.
قصتي هتطرق لصلاة العشاء أحسست ان واجب عليا انشر نصيحة بنت. بطبقها الي هذا اليوم من يوم ما قالتها لي ربنا يجازيها خير
القصة, كنت في المدرسة الصبح بدري قاعدة قبل الطابور حتي ( واضح ان موضوع المواعيد ده عندي من زمان :D ) و قاعدة مع بنات في ثانوي و انا كنت في اعدادي فا جت بنت كنا اول مرة اكلمها بس أعرفها شكلا اتعرفنا علي بعض كان اسمها " غدي" يعني بكرة بتاعي و كان ليها توأم اتكلمنا في حاجات كتير و جه موضوع صلاة العشاء و قلت لها مبقدرش اقوم ببقي تعبانة أوووي, قالت لي" عارفة انا بعمل ايه؟, انا و انا في السرير و لو حتي في حالة الاوعي أول ما افتكر اني لم اصلي العشاء بقوم مبفكرش مبديش وقت للشيطان يوسوسلي و يقنعني اريح ثواني بس فأروح في النوم" قلتلها" و بتقدري تقومي بجد؟" قالتلي" أه المهم ماتديش نفسك جزء من الثانية تفكري. قومي اتحركي"
دي كانت نصيحتها لي =)
خليك زيها و قوم صلي لو في واحد بقدر يعمل كده فهو حٌجة عليك يوم القيامة انت زيك زيه
ربنا يجازيها خير بجد عن كل صلاة عشاء صلتها من يومها ليومنا هذالم اراها بعد السنة اللي اتكلمنا فيها دي و معرفش عنها أي حاجة خالص ربنا يكرمها فعلا =)