السنة اللي فاتت تعودت علي شئ جديد و هو صلاة الفجر و الحمد لله (متأخر جدا انا عارفة بس الله غفور رحيم )
في الظروف الراهنة استرجعت مشاعر طفولتي بإني أخاف أطلع من حجرتي بليل في الضلمة و الناس نايمة :D و أختفي الأمان من حياتي و بالتالي بقي صعب عليا اصحي أصلي الفجر في عز الضلمة و كلهم نايميين بقيت عشان أقوم أصلي بقعد أقنع نفسي (كل يوم) و أقول" يا هند يعني أسوأ حاجة هتحصلك إيه؟ حد هيتهجم عليكي يقتلك؟؟ طب ما يا سلااااام شهيدة و لأ كمان كنتي قايمة تصلي الفجرو كمان أنتٍ نفسك تروحي الجنة بقي من زمان " و بقوم, لحد من كام يوم اكتشفت شعور جديد.
اكتشفت (متأخر أوي برضه) أو حسيت بشي طول عمري عرفاه بس أول مرة اشعره اوي كده, الصلاة يعني بكلم الله سبحانه و تعالي, ربي يعني السلام !!! و أول ما دخلت في الصلاة شعرت بالسلام يغمرني! بالراحة حولي! بالصمت في أذني!
"اللهم أنت السلام و منك السلام تباركت يا ذو الجلال و الإكرام "
حاول تستشعر معني اسم من اسماء الله الحسني أنا اكتشفت أني حفظاهم بس عمري ما فكرت فيهم ولا قررت استشعرهم و أشوفهم =('
No comments:
Post a Comment