كنت مع النظام أو ضده
متعاطفا مع مبارك أو كارهه
كنت مؤيد لغنيم أو رافضه
اللي فات مات و دلوقتي هو وقتك عشان تغير
أصلك لو كنت مع النظام فدلوقتي أنت أمام الأمر الواقع, ولو ضده أهوه اللي أنت عايزه حصل وريني شطارتك!
الموضوع الآن مش موضوع حكم أو نظام
أو ريس جه أو راح
الموضوع دلوقتي موضوع شعب
لو لم يتوقف عن إلقاء المهملات من السيارة و هو ماشي زي البرنس
سوف أطالب بتغير الشعب
لو لم يتوقف قادة السيارات عن السير عكسي و تجاهل الإشارات و التزنيق لما تديلوه إشارة انك عايز تيجي يمين أو شمال
سوف أطالب بتغير الشعب
لو لم يتوقف موظف المصالح الحكومية عن تقاضي الرشاوى
سوف أطالب بتغير الشعب
لو لم يتوقف الشباب عن سبّ بعضهم البعض بالأب و الأم
سوف أطالب بتغير الشعب
دورك؟؟
دورك انك لما تشوف الغلط تقوله لأ توقفه عند حده و دلوقتي هو أحسن وقت عشان الناس لسه وخداها الحماسة و مستعدة تعطي الأكثر و الأكتر لبلدها, ماتتكسفش تقول لصحبك متشتمش علي الأقل تبقي عملت اللي عليك يوم القيامة و هو اللي هيتحاسب
"
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ"
لو إحنا متغيرناش يبقي هنعمل من الرئيس القادم مبارك آخر.
و تنبيه مرة أخري لو الشعب متغيرش أنا هستورد شعب ثاني من الصين :P
No comments:
Post a Comment