خليني أحكي لكم حكاية, كلمتني صديقتي بعد نصف الليل و قالتلي" هند بكره في مشروع تحفة هينظفوا النزهة " قلتلها " قشطة :D " نزلت من بيتي في الميعاد المحدد بالأسلحة المطلوبة " مقشة , أكياس قمامة و جوانتي و أول ما خرجت من مدخل العمارة لاحظت النظارات المندهشة من منظري! اللي هو " رايحة فين دي؟!!! " كملت مشواري و انا بتداري من نظرات الناس بصراحة , ده شئ أول مرة أعمله.مريت علي صديقتي و أخدتها و روحنا سوا سوا, فضلنا واقفين ربع ساعة محدش جه قلتلها" شكل ال event ده مقلب و هنروح بيوتنا خائبين الرجاء ما أنا مش هقف أكنس الشارع بطولي :D!"
شوية و الناس جت و أصبحنا 4 بنات و ولد قسمنا الشارع و بدأنا.
في الأول لقينا الناس بتبص علينا من الشبابيك و بتضحك اتكسفت في الآول و بعدين الحماس أخدني و كل ما نشوف مساحة صغيرة نضفت عزمنا يزيد اننا نكمل اكتر و اكتر لحد ما فجأة لقينا رجا عجوز أوي واقف علي نفس الرصيف و موطي بيشييل أكياس من الأرض من وسط المياه!! و جه يقولنا أنا بنتي شافتكم و هي راجعة طلعت حاكتلي قلت لازم أنزل اسلم عليكم أنا فخور بيكوا و قعد يكلمنا إن مصر هي اللي عملت تاريخ العالم و ان هي البدأته و إن الأقصر لوحدها في 30% من أثار العالم و قعد يشجعنا و مشيناه بالعافية و قلناله ميصحش حضرتك اطلع و احنا هنضف الرجل ده عنده 85 سنة!
و شوية ولقينا ناس بتشاور لينا bye bye من البلكونات و واحدة شت نزلت ورق علقته علي الشجر مكتوب عليه "نشكر ابنائنا الأعزاء علي تنظيف المنطقة" طلبنا منها تنزلنا ورق مكتوب عليه " برجاء عدم إلقاء القمامة" و قد كان! بعد وقت طويييل ببص ورايا لقيت الرصيف لآخره ممهد و نظيف أزاي مع اول واحد استخدم الرصيف بعد ما نظفناه حسينا قيمة اللي عملناه و تعبنا كله راح, و مر علينا راجل عجوز ادالنا كيس و قلنا" ده فيه نسكافيه بس مش معمول معليش معرفتش اعمله و انزلهولكوا" و فجأة لقيتنا بقينا 6 بنات و أولاد كتيـــــــر معرفش جُم منين!
كل ما كان حد يتعب فينا نقول له " إماطة الأذي عن الطريق صدقة" و تخيل كل واحد كان بيمر من هنا زمان و مر النهاردة هيدعيلك.
أنا ليه بحكي لكم حكايتي ؟! عشان أنا زمان كنت بكسل أنزل أعمل أي حاجة و بفضّل نومي علي أي عمل , لحد ما سمعت " اللهم استعملنا ولا تستبدلنا" فدي رسالة لكل واحد مِكسل و بيفضل نومه , عملك للخير ده مش شطارة منك , ده فضل من ربنا عليك و هو اللي أختارك من وسط ناس كتيـر عشان يديك الثواب ده متقومش انت رافض تاخده, و لآني اتعلمت يعني ايه اعمل حاجة مش هستفاد منها استفاده شخصية لأن نص عددنا مش من سكان الشارع ده ولا بيستخدمه في طريقه لبيت =)
عمّر في مصر عشان تعوضها اللي راح, نضفها عشان تخدمها و تديها عُشر اللي اخدته منها في سنين عمرك .
ربنا يكرمهم هما كملوا امبارح و أول كمان جزاهم الله خيرا, انا مكملتش نظرا لكمية المشاريع اللي ورايا.
و أحب أقول لصديقتي "من سن سنة حسنة فله أجرها وأجر من عمل بها إلى يوم القيامة "
و " الدال علي الخير كفاعله" فجزاكي الله كل خير يا صحبتي الصالحة =)
"اللهم استعملنا ولا تستبدلنا "
Very Inspiring =)
ReplyDeleteJazakom Allah 3anna kol kheeer we 2dam 3aleena ne3mt el estekhdam we fat7hlna
thank you =)
ReplyDeletejazana w 2eyakom isa =)
اللهم استعملنا ولا تستبدلنا